Спортто ийгилик жараткан окуучулар салтанаттуу линейкада сыйланышты

14-мартта спортто ийгилик жараткан окуучулар салтанаттуу линейкада сыйланышты.

Анда кыздар арасында волейбол боюнча райондук команданын биздин мектептеги 4 мүчөсү, «Жарандык коргону» күнүнө арналган иш-чаранын жеңүүчүлөрү сыйланышты.

Ошондой эле Американын Борбордук Азиядагы университетинин демөөрчүлүгү менен 9-класстар арасында өткөн спорттук оюндун (эстафета, кол күрөш, аркан тартышмай) жеңүүчүлөрү да өз сыйлыктарын алышты. Оюндун жыйынтыгы боюнча, биринчиликти 9-«Б», экинчи орунду 9-«В», үчүнчүнү 9-«Д» классы багындырган. Университет 9-«Б» классынын окуучусу Бектурсунов Азаматтын жазган долбоорлук иши боюнча кубок жана 3 медалды демөөрчүлүк кылып берген.

Андан тышкары, 9-класстар арасында волейбол турнири өтүп, анын да жеңүүчүлөрү 9-«Г», 9-Б», 9-«Е», 9-«А» класстары сыйланышты.

«Ата Мекенди коргоо» күнүнө арналган сынактын жеңүүчүлөрү да четте калбай, сыйланышты.